കോഴിക്കോട്: സംസ്ഥാന ചലച്ചിത്ര അക്കാദമിയുടെ നേതൃത്വത്തില്‍ സംഘടിപ്പിക്കുന്ന പ്രാദേശിക രാജ്യാന്തര ചലച്ചിത്രമേളക്ക് നാളെ കോഴിക്കോട്ട് തുടക്കമാകും. കൈരളി, ശ്രീ തിയറ്ററുകളിലായി നടക്കുന്ന മേള 15 വരെ നീണ്ടുനില്‍ക്കും. നാളെ വൈകിട്ട് അഞ്ചിന് കൈരളി തിയറ്ററില്‍ നടക്കുന്ന ചടങ്ങില്‍ സംവിധായകന്‍ ടി.വി ചന്ദ്രന്‍ മേള ഉദ്ഘാടനം ചെയ്യുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
ഹംഗേറിയന്‍ ചിത്രമായ ഓണ്‍ ബോഡി ആന്‍ഡ് സോള്‍ ആണ് ഉദ്ഘാടന ചിത്രം.
മേളയില്‍ മൂന്ന് ഡോക്യുമെന്ററി ഉള്‍പ്പെടെ 56 സിനിമകള്‍ പ്രദര്‍ശിപ്പിക്കും. 10 മുതല്‍ 15 വരെ മാനാഞ്ചിറ സ്‌ക്വയറില്‍ പൊതുജനങ്ങള്‍ക്കായുളള ചലച്ചിത്ര പ്രദര്‍ശനം നടക്കും.
പാസിന്റെ വിതരണം ഇന്ന് രാവിലെ 10.30ന് കൈരളി തിയറ്ററില്‍ ആരംഭിക്കും.
വാര്‍ത്താസമ്മേളനത്തില്‍ സംഘാടകരായ ചെലവൂര്‍ വേണു, കെ.ടി. ശേഖര്‍, കെ.ജെ. തോമസ്, ഷാജി എച്ച്, എന്‍.ടി. സജീഷ് എന്നിവര്‍ പങ്കെടുത്തു.