മണ്ണാര്‍ക്കാട്: പൂവാലന്‍മാരും സാമൂഹ്യ വിരുദ്ധരും ഇനി നിയമപാലകരുടെ ശ്രദ്ധയില്‍ പെടും. ഇത്തരക്കാരെ പിടിക്കാന്‍ ജില്ലാ പൊലീസ് അധികാരിയുടെ നേതൃത്വത്തില്‍ തുടങ്ങിയ ഷാഡോ പൊലീസ് സംഘമായ മിന്നല്‍ ടീം മണ്ണാര്‍ക്കാട് തുടങ്ങി. പൂവാല ശല്ല്യം, പൊതു സ്ഥലത്തുളള മദ്യപാനം, പുകവലി തുടങ്ങിയ സാമൂഹ്യ വിരുദ്ധ പ്രവര്‍ത്തനങ്ങള്‍ കണ്ടെത്തുകയും അത്തരക്കാരെ കയ്യോടെ പിടികൂടുകയാണ് മിന്നലിന്റെ ലക്ഷ്യം. രണ്ട് വനിതാ പൊലീസ് അടക്കം മൂന്ന് അംഗ സംഘമാണ് മിന്നലിലുളളത്. ഇന്നലെ നഗരത്തിലെ സ്വകാര്യ കോംപ്ലക്‌സിനടുത്ത് മദ്യപിച്ചവരെയും, രണ്ട് പൂവ്വാലമാരെയും ഇന്നലെ മിന്നല്‍ സംഘം പിടികൂടി.