കൊഹിമ: നാഗാ പീപ്പിള്‍സ് ഫ്രണ്ടിന്റെ പുതിയതായി തെരഞ്ഞെടുക്കപ്പെട്ട എം.എല്‍.എമാര്‍ക്ക് സര്‍ക്കാര്‍ അനുവദിക്കുന്ന വാഹനത്തെ ചൊല്ലി വിവാദം. 27 എം.എല്‍.എമാരില്‍ 11 പേരാണ് പുതിയതായി തെരഞ്ഞെടുക്കപ്പെട്ടത്. ഇവര്‍ക്ക് സര്‍ക്കാര്‍ അനുവദിക്കുന്ന റിനോ ഡസ്റ്റര്‍ കാര്‍ വേണ്ടെന്നും പുതിയതായി പുറത്തിറക്കിയ ടയോട്ട ഇന്നോവ ക്രിസ്റ്റ കാര്‍ മതിയെന്നുമാണ് ഇവര്‍ സര്‍ക്കാരിനെ അറിയിച്ചത്. റിനോ ഡസ്റ്ററിന് 13 ലക്ഷം രൂപയാണ് വില. എന്നാല്‍ ഇന്നോവ ക്രിസ്റ്റക്കാകട്ടെ 22 ലക്ഷമാണ്.