തൃക്കരിപ്പൂര്‍: ജനകീയ കൂട്ടായ്മയില്‍ തൃക്കരിപ്പൂര്‍ റെയില്‍വേ സ്റ്റേഷന്‍ പരിസരത്ത് നിര്‍മിക്കുന്ന പാര്‍ക്കിങ് സൗകര്യത്തിനുള്ള ആദ്യ ഫണ്ട് ഏറ്റുവാങ്ങി. തൃക്കരിപ്പൂര്‍ റെയില്‍വേ സ്റ്റേഷന്‍ രണ്ടാം പ്ലാറ്റ്‌ഫോറത്തിനടുത്ത് പോസ്റ്റ് ഓഫിസിനു മുന്നിലായി 20 ലക്ഷം രൂപ ചെലവിലാണ് തൃക്കരിപ്പൂര്‍ റോട്ടറി ക്ലബ് പാര്‍ക്കിങ് ഒരുക്കുന്നത്. റോട്ടറി ഹാളില്‍ നടന്ന ചടങ്ങില്‍ റിട്ട. എന്‍ജിനിയര്‍ എം.ടി.പി അബ്ദുല്‍ ഖാദര്‍, ബംഗളൂരുവിലെ ഹോട്ടല്‍ വ്യവസായി കെ.പി.സി മുഹമ്മദ് കുഞ്ഞി എന്നിവരില്‍ നിന്ന് ആദ്യ ഫണ്ട് ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഏറ്റുവാങ്ങി. റോട്ടറി പ്രസിഡന്റ് ടി. സുനില്‍ കുമാര്‍ അധ്യക്ഷനായി.
പരിയാരം മെഡിക്കല്‍ കോളജ് പ്രിന്‍സിപ്പലും പാര്‍ക്കിങ് നിര്‍മാണ കമ്മറ്റി ചെയര്‍മാനുമായ ഡോ. കെ. സുധാകരന്‍, നിര്‍മാണ കമ്മിറ്റി കണ്‍വീനര്‍ സി. ഷൗക്കത്തലി, എ.എം രാജഗോപാലന്‍ സംസാരിച്ചു.