മങ്കട: മക്കരപ്പറമ്പ് പത്താംതരം തുല്യതാ പഠിതാക്കള്‍ തങ്ങളുടെ ഒരു ദിവസത്തെ വേതനം സമാഹരിച്ച് പഠിതാക്കള്‍ ഉള്‍ക്കൊള്ളുന്ന മക്കരപ്പറമ്പ് പെയിന്‍ ആന്‍ഡ് പാലിയേറ്റീവ്, മങ്കട പാലിയേറ്റീവ്, വടക്കാങ്ങര ബഡ്‌സ് സ്‌കൂള്‍, വള്ളിക്കാപറ്റ അന്ധ വിദ്യാലയം പടിഞ്ഞാറ്റുമുറി സ്മാര്‍ട്ട് തുടങ്ങിയ സ്ഥാപനങ്ങളിലേക്ക് ആവശ്യമായ മെഡിക്കല്‍ ഉപകരണങ്ങള്‍ വിതരണം ചെയ്തു. മക്കരപ്പറമ്പില്‍ ജില്ലാ പഞ്ചായത്ത് പ്രസിഡന്റ് എ.പി ഉണ്ണി കൃഷ്ണന്‍ ഉദ്ഘാടനം ചെയ്തു. ബ്ലോക്ക് പ്രസിഡന്റ് ഇ. സഹീദ അധ്യക്ഷയായി. മക്കരപ്പറമ്പ് പഞ്ചായത്ത് പ്രസിഡന്റ് ഹബീബ കരുവള്ളി, മങ്കട പഞ്ചായത്ത് വെസ് പ്രസിഡന്റ് പി.കെ അബ്ബാസലി, സാക്ഷരതാ മിഷന്‍ ജില്ലാ കോഡിനേറ്റര്‍ ഡോ. മനോജ്, സി.എച്ച് മുഹമ്മദലി, സെബാസ്റ്റ്യന്‍, ബഷീര്‍ വെങ്കിട്ട, വിനയന്‍ മങ്കട, സാജു മാമ്പര തൊടി, ഷാഹിറ, തങ്കമണി, മുബീന, നസീമ, സിഎച്ച് അബ്ബാസ്, ഫിറോസ് സംസാരിച്ചു.