കോട്ടക്കല്‍: രാജ്യത്തിന്റെ വളര്‍ച്ചക്കും വികാസത്തിനും ഊന്നല്‍ നല്‍കിയ പ്രസ്ഥാനമാണ് മുസ്‌ലിംലീഗെന്ന് വഖഫ് ബോര്‍ഡ് ചെയര്‍മാന്‍ സയ്യിദ് റശീദലി ശിഹാബ് തങ്ങള്‍.
മുസ്‌ലിം ലീഗ് സ്ഥാപക ദിനത്തില്‍ കോട്ടക്കല്‍ മണ്ഡലം എം.എസ്.എഫ് നടത്തിയ ചരിത്ര സ്മൃതിയും മുസ്‌ലിംലീഗ് സംസ്ഥാന സെക്രട്ടറി കെ.കെ ആബിദ് ഹുസൈന്‍ തങ്ങള്‍ എം.എല്‍.എക്കുള്ള സ്‌നേഹദരവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മണ്ഡലം എം.എസ്.എഫ് പ്രസിഡന്റ് വി.എ വഹാബ് അധ്യക്ഷനായി. എന്‍.കെ അഫ്‌സല്‍ റഹ്മാന്‍ മുഖ്യപ്രഭാഷണം നടത്തി. കോട്ടക്കല്‍ നഗരസഭാ ചെയര്‍മാന്‍ കെ.കെ നാസര്‍, യൂത്ത്‌ലീഗ് മണ്ഡലം സെക്രട്ടറി അഡ്വ. പി.പി ഹമീദ്, എം.എസ്.എഫ് മണ്ഡലം സെക്രട്ടറി എം. സമീര്‍ എടയൂര്‍, നഗരസഭാ സ്ഥിരസമിത ചെയര്‍മാന്‍ പി. ഉസ്മാന്‍, ടി.പി റിഷാദ്, മുഹ്‌സിന്‍ വടക്കുമുറി, പി.പി അംജദലി, കെ. മഖ്‌റൂഖ്, സി.കെ മുഹമ്മദ് ഇര്‍ഷാദ്, എന്‍.കെ റിയാസുദ്ദീന്‍, കെ.പി അന്‍വര്‍ സാദാത്ത്, പി.ടി റാഷിദ്, ഒ.പി റഊഫ്, യു. മന്‍സൂര്‍, റിഫാക്കത്തലി, ബാസ്വിത് എടച്ചലം, ആഷിഖ് പുറമണ്ണൂര്‍, സാഹിര്‍ കൊടുമുടി സംസാരിച്ചു.