തിരുവനന്തപുരം: എന്‍.ഡി.എയില്‍ മുന്നണി മര്യാദ പാലിക്കുന്നില്ലെന്നും ഘടകകക്ഷികള്‍ക്ക് പരിഗണന ലഭിക്കുന്നില്ലെന്നും തുറന്നടിച്ച് ജനാധിപത്യ രാഷ്ട്രീയ സഭാ നേതാവ് സി.കെ ജാനു. സഖ്യകക്ഷികളെ കൂടെ നിര്‍ത്തേണ്ടതും എന്‍.ഡി.എ എന്ന മുന്നണിയെ നിലനിര്‍ത്തേണ്ടതും പ്രധാന കക്ഷിയെന്ന നിലയ്ക്ക് ബി.ജെ.പിയാണ്. എന്നാല്‍ അത്തരമൊരു ഇടപെടല്‍ ബി.ജെ.പി സംസ്ഥാന നേതൃത്വത്തിന്റെ ഭാഗത്തുനിന്ന് ഉണ്ടാവുന്നില്ലെന്ന് ജാനു ആരോപിച്ചു. എന്‍.ഡി.എയില്‍ തുടരണോ എന്ന് ആലോചിക്കുമെന്നും ജാനു പറഞ്ഞു.