കൂത്തുപറമ്പ്: പ്ലാസ്റ്റിക് കലര്‍ന്ന അരിക്ക് പിന്നാലെ പ്ലാസ്റ്റിക് കലര്‍ന്ന പച്ചമുളകും വിപണിയില്‍. പാനുണ്ട കപ്പണക്കാട്ടെ മൗവഞ്ചേരി ദിനേശ് ബാബു വീട്ടാവശ്യത്തിനായി വാങ്ങിയ പച്ചമുളകിന്റെ പുറംഭാഗത്താണ് പ്ലാസ്റ്റിക ് പൊതിഞ്ഞ രീതിയില്‍ കാണപ്പെട്ടത്. ഇവ വെളിച്ചെണ്ണയിലിട്ട് ചൂടാക്കവെ പ്ലാസ്റ്റിക് കോട്ടിങ് വേര്‍പെട്ടുവരികയുണ്ടായി. കത്തിച്ചു നോക്കിയപ്പോള്‍ പ്ലാസ്റ്റിക്കിന്റെ മണവും അനുഭവപ്പെട്ടു. വാഹനത്തില്‍ സഞ്ചരിച്ച് വില്‍പന നടത്തുന്നവരില്‍നിന്നാണ് ദിനേശ് ബാബു പച്ചമുളക് വാങ്ങിയത്. ഇതു സംബന്ധിച്ച് ആരോഗ്യ വകുപ്പ് അധികൃതര്‍ക്ക് പരാതി നല്‍കിയിട്ടുണ്ട്.