റിയാദ്: ഇന്ത്യയില്‍ നിന്നുള്ള സാറാബി തേനിനും തേന്‍ ഉല്‍പന്നങ്ങള്‍ക്കും സഊദിയില്‍ വിലക്കേര്‍പ്പെടുത്തി.

സഊദി ഫുഡ്‌സ് ആന്‍ഡ് ഡ്രഗ്‌സ് അതോറിറ്റിയാണ് വിലക്കേര്‍പ്പെടുത്തിയത്. വ്യത്യസ്ത കവറുകളിയിലായി ലഭിക്കുന്ന സാറാബി ഉല്‍പ്പന്നങ്ങള്‍ വിപണികളില്‍ നിന്ന് വാങ്ങരുതെന്ന് ഉപഭോക്താക്കള്‍ക്ക് അതോറിറ്റി മുന്നറിയിപ്പും നല്‍കിയിട്ടുണ്ട്.

ആരോഗ്യ -സുരക്ഷാ നിയമങ്ങള്‍ ലംഘിച്ചാണ് സാറാബി തേനുല്‍പ്പന്നങ്ങള്‍ക്ക് സഊദി ഫുഡ്‌സ് ആന്‍ഡ് ഡ്രഗ്‌സ് അതോറിറ്റി വിലക്കേര്‍പ്പെടുത്താന്‍ കാരണം. വിലക്കേര്‍പ്പെടുത്തിയ സാറാബി ഉല്‍പന്നങ്ങളുടെ വിശദ വിവരങ്ങള്‍ അതോറിറ്റി തങ്ങളുടെ വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്.