തേഞ്ഞിപ്പലം:  കാലിക്കറ്റ് സര്‍വകലാശാലയിലെ സി.എച്ച്.മുഹമ്മദ് കോയ സ്റ്റേഡിയം അന്താരാഷ്ട്ര കായിക മത്സരങ്ങള്‍ക്ക് സജ്ജമാക്കുമെന്ന് വൈസ് ചാന്‍സലര്‍ ഡോ.കെ.മുഹമ്മദ് ബഷീര്‍ അറിയിച്ചു. അത്യാധുനിക സംവിധാനങ്ങളുള്ള സ്‌പോര്‍ട്‌സ് പവലിയന്‍, സിന്തറ്റിക് ട്രാക്കിന് ചുറ്റും ഫ്‌ളഡ് ലൈറ്റ്, സിന്തറ്റിക് വാമിംഗ്അപ് ഏരിയ തുടങ്ങിയ നവീന സംവിധാനങ്ങള്‍ക്കായി എസ്റ്റിമേറ്റും പ്ലാനും തയ്യാറാക്കുന്നതിന് പ്രാഥമിക നടപടികള്‍ തുടങ്ങി കഴിഞ്ഞു. ഗാലറി നവീകരണം, സ്‌പോര്‍ടസ് അഡ്മിനിസ്‌ട്രേറ്റീവ് ഓഫീസ്, സ്റ്റോര്‍ റൂം നിര്‍മ്മാണം എന്നിവയും പദ്ധതിയില്‍ ഉള്‍പ്പെടുന്നു.
    വിദഗ്ധ സമിതി അംഗങ്ങളായ കേരള സ്‌പോര്‍ട്‌സ് കൗണ്‍സില്‍ പ്രസിഡന്റ് അഞ്ജു ബോബി ജോര്‍ജ്ജ്, അത്‌ലറ്റിക് ഫെഡറേഷന്‍ ഓഫ് ഇന്ത്യാ ജനറല്‍ സെക്രട്ടറി സി.കെ.വല്‍സന്‍, ഡോ.ടോണി ഡാനിയല്‍, എസ്.പി.പിള്ള തുടങ്ങിയവരുള്‍പ്പെട്ട വിദഗ്ധ സമിതിയുമായി ഇതിന്റെ വിവിധ വശങ്ങളെക്കുറിച്ച് വൈസ് ചാന്‍സലര്‍ ചര്‍ച്ച നടത്തി.
കാലിക്കറ്റ് സര്‍വകലാശാല ഒന്നാം സെമസ്റ്റര്‍ ബി.ടി.എഫ്.പി (സിയുസിബിസിഎസ്എസ്) റഗുലര്‍ പരീക്ഷ ജൂണ്‍ എട്ടിന് ആരംഭിക്കും.  
നാലാം സെമസ്റ്റര്‍ എസ്.ഡി.ഇ-യു.ജി സപ്ലിമെന്ററി പരീക്ഷാ അപേക്ഷ
    കാലിക്കറ്റ് സര്‍വകലാശാല വിദൂരവിദ്യാഭ്യാസം നാലാം സെമസ്റ്റര്‍ യു.ജി (സിസിഎസ്എസ്) സപ്ലിമെന്ററിഇംപ്രൂവ്‌മെന്റ് പരീക്ഷകള്‍ക്ക് 150 രൂപ പിഴയോടെ ജൂണ്‍ എട്ടു വരെയും  ആയിരം രൂപ സൂപ്പര്‍ ഫൈനോടെ ജൂണ്‍ 15 വരെയും ഓണ്‍ലൈനില്‍ അപേക്ഷിക്കാം.