കൊണ്ടോട്ടി: മുസ്‌ലിംലീഗ് ദേശീയ അധ്യക്ഷനും മികച്ച പാര്‍ലമെന്റേറിയനുമായിരുന്ന ജി.എം ബനാത്ത്‌വാല എഴുതിയ 'റീലീജിയന്‍ & പൊളിറ്റിക്‌സ് ഇന്‍ ഇന്ത്യ' എന്ന പുസ്തകത്തിന്റെ അഹമ്മദ് മൂന്നാംകൈയുടെ മലയാള പരിഭാഷ 'മതവും രാഷ്ട്രീയവും ഇന്ത്യയില്‍' എന്ന പുസ്തകം  നാളെ ഉച്ചക്ക് മൂന്നിനു കൊണ്ടോട്ടി അമാന ടവര്‍ ഓഡിറ്റോറിയത്തില്‍ പ്രകാശനം ചെയ്യും. ഗ്രെയ്‌സ് എജുക്കേഷണല്‍ അസോസിയേഷനും ജിദ്ദ കെ എം സി സി സെന്‍ട്രല്‍ കമ്മിറ്റിയും സംയുക്തമായാണു പുസ്തകം പ്രസിദ്ധീകരിക്കുന്നത്.
പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി പ്രമുഖ സാഹിത്യകാരന്‍ പി. സുരേന്ദ്രനു നല്‍കി പുസ്തകം പ്രകാശനം ചെയ്യും. ഇ.ടി. മുഹമ്മദ് ബഷീര്‍ എം.പി, എം.എല്‍.എ ടി. വി. ഇബ്രാഹീം, ചന്ദ്രിക പത്രാധിപര്‍ സി.പി. സൈതലവി, കെ.പി. മുഹമ്മദ്കുട്ടി, പി.എ റഷീദ്, എ.കെ. അബ്ദുല്‍ മജീദ്, അഹമ്മദ് മൂന്നാംകൈ തുടങ്ങി പ്രമുഖര്‍ സംബന്ധിക്കും.