കേപ് ടൗണ്‍: ആസ്‌ത്രേലിയക്കെതിരായ മൂന്നാം ടെസ്റ്റിനുള്ള ദക്ഷിണാഫ്രിക്കന്‍ ടീമില്‍ പേസര്‍ കഗിസോ റബാഡയെയും ഉള്‍പ്പെടുത്തി. കളിക്കളത്തിലെ മോശം പെരുമാറ്റത്തെ തുടര്‍ന്ന് രണ്ട് മത്സരങ്ങളില്‍ വിലക്ക് ശിക്ഷ ലഭിച്ച താരം അതിനെതിരേ അപ്പീല്‍ നല്‍കിയ സാഹചര്യത്തിലാണ് ടീമിലേക്ക് പരിഗണിച്ചത്. താരത്തിന്റെ അപ്പീല്‍ പരാജയപ്പെടുകയാണെങ്കില്‍ പകരം കളിക്കാനായി രണ്ട് പേസര്‍മാരെ കൂടി ദക്ഷിണാഫ്രിക്ക ടീമില്‍ ഉള്‍പ്പെടുത്തിയിട്ടുണ്ട്. ഡൗന്നെ ഒലിവിയര്‍, ക്രിസ് മോറിസ് എന്നിവരാണ് 17 അംഗ ടീമില്‍ ഉള്‍പ്പെട്ട താരങ്ങള്‍.