കോട്ടയം: ബി.ജെ.പിയിലെ തമ്മിലടിക്ക് കേരളാ കോണ്‍ഗ്രസിനെ കരുവാക്കേണ്ടതില്ലെന്ന് കേരളാ കോണ്‍ഗ്രസ് (എം) ജനറല്‍ സെക്രട്ടറി റോഷി അഗസ്റ്റിന്‍ എം.എല്‍.എ പറഞ്ഞു.
ചെങ്ങന്നൂരിലെ ബി.ജെ.പി സ്ഥാനാര്‍ഥിയുടെ പരാജയം ഉറപ്പുവരുത്താനുള്ള ശ്രമമാണ് വി. മുരളീധരന്റേത്. മെഡിക്കല്‍ കോഴ ആരോപണത്തിലെ യഥാര്‍ഥ പ്രതികളെ വെളിച്ചത്ത് കൊണ്ടുവരാനോ ഡല്‍ഹിയിലെ സതീഷ് നായരുമായുള്ള ബന്ധത്തെക്കുറിച്ച് വെളിപ്പെടുത്താനോ വി. മുരളീധരന്‍ ഇനിയും തയാറായിട്ടില്ല. മുരളീധരനെപ്പോലെയുള്ള കടുത്ത വര്‍ഗീയവാദികളാണ് ബി.ജെ.പിയില്‍ നിന്നും ജനങ്ങളെ അകറ്റുന്നതെന്നും റോഷി അഗസ്റ്റിന്‍ പറഞ്ഞു.