കാസര്‍കോട്: നഗരത്തില്‍ ചെരുപ്പ് നന്നാക്കി കൊടുക്കുന്നയാളെ അക്രമിച്ചതായി പരാതി. പഴയ ബസ് സ്റ്റാന്‍ഡ് പരിസരത്ത് ചെരുപ്പ് നന്നാക്കി കൊടുക്കുന്ന രാജേഷിനെയാണ് ഒരു സംഘം ആളുകള്‍ കുത്തിപ്പരുക്കേല്‍പ്പിച്ചത്. ഇന്നലെ വൈകുന്നേരം ഏഴോടെയാണ് സംഭവം. സലിം എന്നയാളാണ് ഗഌസ് കഷ്ണം ഉപയാഗിച്ചു കുത്തിപ്പരുക്കേല്‍പ്പിച്ചത്.പരിസരത്തെ കടയുടെ ഗഌസ് എറിഞ്ഞു പൊളിച്ചാണ് സലിം ഗ്ലാസ് കഷ്ണം കൈയിലെടുത്തത്. മദ്യപിക്കുന്നതിനു വേണ്ടി രാജേഷിനോടു പണം ചോദിച്ചപ്പോള്‍ നല്‍കാത്തതിനെ തുടര്‍ന്നാണ് അക്രമമെന്നു പറയുന്നു. മറ്റൊരു കേസില്‍ ജയിലില്‍ കഴിയുകയായിരുന്ന സലിം ഈയടുത്താണ് ജയിലില്‍ നിന്നിറങ്ങിയത്. രാജേഷിന്റെ കൈക്കാണ് സലിം കുത്തിപ്പരുക്കേല്‍പ്പിച്ചത്.