കണ്ണൂര്‍: സുന്നി യുവജന സംഘം ജില്ലാ കമ്മിറ്റിയുടെ ആഭിമുഖ്യത്തില്‍ മജ്‌ലിസുന്നൂര്‍ ജില്ലാ സംഗമം ഏപ്രില്‍ 15ന് വേങ്ങാട് വട്ടക്കണ്ടി മഖാം പരിസരത്ത് വൈകുന്നേരം നാലിന് നടത്താന്‍ ജില്ലാ സമിതി യോഗം തീരുമാനിച്ചു. ജില്ലയിലെ മജ്‌ലിസുന്നൂര്‍ നടക്കുന്ന മുഴുവന്‍ മഹല്ല് മദ്‌റസാ പരിധിയില്‍ നിന്നും മറ്റു സ്ഥാപനങ്ങളില്‍ നിന്നുമുള്ള ഉലമാ ഉമറാക്കള്‍, എസ്.വൈ.എസ് ജില്ലാ കമ്മിറ്റി അംഗങ്ങള്‍, കൗണ്‍സില്‍ അംഗങ്ങള്‍, ആമില അംഗങ്ങള്‍, മജ്‌ലിസുന്നൂര്‍ മഹല്ല് കോഓഡിനേറ്റര്‍ അമീറുമാര്‍ സമസ്ത കീഴ്ഘടകളുടെ നേതാക്കള്‍ തുടങ്ങിയവര്‍ സംബന്ധിക്കും. സമസ്ത ജില്ലാ നേതാക്കള്‍, മുശാവറ അംഗങ്ങള്‍, സയ്യിദുന്മാര്‍ നേതൃത്വം നല്‍കും. യോഗത്തില്‍ മുഹമ്മദ് ശരീഫ് ബാഖവി, സുബൈര്‍ ബാഖാവി, അഹ്മദ് തേര്‍ളായി, ഇബ്രാഹിം ബാഖവി പൊന്ന്യം, ഉസ്മാന്‍ ഹാജി വേങ്ങാട്, സത്താര്‍ വളക്കൈ, സിദ്ധീഖ് ഫൈസി വെണ്‍മണല്‍, ജുനൈദ് സഅദി, അലി ഹാജി കണ്ണവം സംസാരിച്ചു.