കോഴിക്കോട്: ധനകാര്യ കമ്മിഷന്റെ ശുപാര്‍ഷ പ്രകാരം വര്‍ഷംതോറും കെട്ടിട നികുതി അഞ്ച് ശതമാനം വര്‍ധിപ്പിക്കുന്ന തീരുമാനത്തില്‍ നിന്ന് സര്‍ക്കാര്‍ പിന്‍മാറണമെന്ന് കേരള ബില്‍ഡിങ് ഓണേഴ്‌സ് വെല്‍ഫെയര്‍ അസോസിയേഷന്‍ ജില്ല കമ്മിറ്റി ആവശ്യപ്പെട്ടു. സംസ്ഥാന പ്രസിഡന്റ് ഇല്യാസ് അധ്യക്ഷനായി. സെക്രട്ടറി അപ്പു തടത്തില്‍, ട്രഷറര്‍ ഗീവര്‍ഗീസ്, കൈനിക്കര മുഹമ്മദ് കുട്ടി, എ.എം ഹംസ, വിജയന്‍ പാലക്കാട്, മൊയ്തീന്‍ കുട്ടി തൃശൂര്‍, സി.പി.സി മുഹമ്മദ് ഹാജി, ഹമീദ് കാപൂര്‍ സംസാരിച്ചു.
പുതിയ ജില്ലാ ഭാരവാഹികളായി ടി.കെ കോയദ്ദീന്‍ മാസ്റ്റര്‍ (പ്രസിഡന്റ്), ടി.പി അബ്ദുല്‍ ലത്തീഫ് നടുവണ്ണൂര്‍, ടി.ടി അബ്ദുല്‍ നാസര്‍ (വൈ.പ്രസിഡന്റുമാര്‍), ടി.കെ സുഹൈല്‍ (ജനറല്‍ സെക്രട്ടറി), കെ.പി മജീദ് ഹാജി, കെ.പി മുസ്തഫ (ജോ.സെക്രട്ടറിമാര്‍), സലീം കുറ്റിക്കാട്ടൂര്‍ (ട്രഷറര്‍) എന്നിവരെ തെരഞ്ഞെടുത്തു.