ടെഹ്റാന്‍: ഇറാനിലെ വിവിധ കേന്ദ്രങ്ങളില്‍ അപ്രതീക്ഷിത ആക്രമണം നടത്തി ഇസ്‌റാഈല്‍. ശനിയാഴ്ച പുലര്‍ച്ചെയോടെയാണ് ആക്രമണമുണ്ടായത്. ഇറാന്റെ തലസ്ഥാനമായ ടെഹ്റാനില്‍ ശക്തമായ സ്‌ഫോടന ശബ്ദങ്ങള്‍ കേട്ടതായി ഇറാനിയന്‍ ഔദ്യോഗിക മാധ്യമങ്ങള്‍ റിപ്പോര്‍ട്ട് ചെയ്തു. ഇസ്‌റാഈല്‍ പ്രതിരോധമന്ത്രി ഇസ്രയേല്‍ കട്‌സ് ഇക്കാര്യം സ്ഥിരീകരിച്ചു. 

ഇറാന്റെ സൈനിക കേന്ദ്രങ്ങളെ ലക്ഷ്യം വെച്ചാണ്  ആക്രമണമുണ്ടായത്. തെഹ് റാനിലെ യൂണിവേഴ്‌സിറ്റി സ്ട്രീറ്റിലും ജോംഹൗറി പ്രദേശത്തും നിരവധി മിസൈലുകള്‍ പതിച്ചതായി ഫാര്‍സ് വാര്‍ത്താ ഏജന്‍സി റിപ്പോര്‍ട്ട് ചെയ്തു.

ALSO READ: ഇറാനിൽ ഇസ്റാഈൽ-അമേരിക്ക സംയുക്ത ആക്രമണമെന്ന് റിപ്പോർട്ട് ; സ്ഥിരീകരണവുമായി ഡൊണാൾഡ് ട്രംപ്

അതേസമയം, ഇസ്‌റാഈലിലെ എല്ലാ പൗരന്മാരും സുരക്ഷിത കേന്ദ്രങ്ങളിലേക്ക് മാറണമെന്ന് ഐ.ഡി.എഫ് മുന്നറിയിപ്പ് നല്‍കി. രാജ്യമെമ്പാടും സൈറനുകള്‍ മുഴക്കിയതായും ഇസ്‌റാഈല്‍ അറിയിച്ചു. ഇസ്‌റാഈലിന് നേരെ മിസൈലുകള്‍ വിക്ഷേപിക്കാനുള്ള സാധ്യത കണക്കിലെടുത്താണ് പൊതുജനങ്ങള്‍ക്ക് മുന്നറിയിപ്പ് നല്‍കിയിരിക്കുന്നത്.

Explosions were reported across Tehran following an alleged Israeli attack inside Iran. Multiple areas of the capital city witnessed loud blast sounds, raising concerns of escalating tensions in the Middle East.