ടെല്‍ അവീവ്: ഇറാനു നേരെ ആക്രമണം നടത്തിയതിന് പിന്നാലെ രാജ്യത്ത് അടിയന്തരാവസ്ഥ പ്രഖ്യാപിച്ച് ഇസ്‌റാഈല്‍. ജനങ്ങളോട് ഷെല്‍ട്ടറുകള്‍ക്ക് സമീപത്ത് തുടരാന്‍ ആവശ്യപ്പെട്ടിട്ടുണ്ട്. ഇറാന്റെ പ്രത്യാക്രമണം മുന്നില്‍ കണ്ടാണ് നടപടി. 

ആക്രമണത്തിന് പിന്നാലെ ഇരുരാജ്യങ്ങളും തങ്ങളുടെ വ്യോമപാത അടച്ചു. ദേശീയ അന്തര്‍ദേശീയ വിമാന സര്‍വീസുകള്‍ പൂര്‍ണമായും നിര്‍ത്തിവച്ചു. രാജ്യത്തെ മുഴുവന്‍ വ്യോമാതിര്‍ത്തിയും ഇനി ഒരു അറിയിപ്പ് ഉണ്ടാകുന്നതുവരെ അടച്ചിട്ടതായി മെഹര്‍ ന്യൂസ് ഏജന്‍സിക്ക് നല്‍കിയ അഭിമുഖത്തില്‍ ഇറാന്‍ സിവില്‍ ഏവിയേഷന്‍ ഓര്‍ഗനൈസേഷന്‍ വക്താവ് മാജിത് അഖ് വാന്‍ പ്രഖ്യാപിച്ചു.

ALSO READ: ഇറാനില്‍ ഇസ്‌റാഈല്‍ ആക്രമണം ; തെഹ്റാനിലെങ്ങും സ്‌ഫോടനശബ്ദം
ജനങ്ങളോട് ഹോം ഫ്രണ്ട് കമാന്‍ഡിന്റെ സുരക്ഷാ നിര്‍ദ്ദേശങ്ങള്‍ കര്‍ശനമായി പാലിക്കണമെന്ന് ഇസ്‌റാഈല്‍ സൈന്യം അഭ്യര്‍ത്ഥിച്ചു. ഭീഷണികളെ പ്രതിരോധിക്കാനും കേന്ദ്രങ്ങളില്‍ തിരിച്ചടി നല്‍കാനും ഇസ്‌റാഈല്‍ വ്യോമസേന സജ്ജമാണെന്ന് സൈനിക വക്താവ് അറിയിച്ചു.

ALSO READ: തിരിച്ചടിച്ച് ഇറാൻ; ഇസ്റാഈലിന് നേരെ മിസൈൽ ആക്രമണം; രാജ്യമുടനീളം അപായ സൈറണുകൾ

വ്യോമ പ്രതിരോധ സംവിധാനങ്ങള്‍ സജീവമാണെങ്കിലും അവ നൂറു ശതമാനം ഫലപ്രദമാകണമെന്നില്ല എന്ന കാര്യത്തില്‍ ഇസ്‌റാഈല്‍ സൈന്യം ആശങ്ക പ്രകടിപ്പിച്ചിട്ടുണ്ടെന്നും റിപ്പോര്‍ട്ടുകള്‍ പുറത്ത് വരുന്നു. അതിനാല്‍ സുരക്ഷിത സ്ഥാനങ്ങളിലേക്ക് മാറണമെന്ന നിര്‍ദ്ദേശം ജനങ്ങള്‍ അവഗണിക്കരുതെന്നും സൈന്യം മുന്നറിയിപ്പ് നല്‍കി.

Israel has declared a state of emergency and closed its airspace following its attack on Iran. The decision was taken amid fears of possible retaliation and escalating regional tensions. Authorities announced emergency measures to ensure national security, while flight operations were suspended as a precaution.