കൊണ്ടോട്ടി: ലൈഫ് മിഷന്‍ ഭവന പദ്ധതി സമയബന്ധിതമായി പൂര്‍ത്തിയാക്കാന്‍ സഹായിക്കുന്ന തദ്ദേശസ്ഥാപനങ്ങള്‍ക്കും ഉദ്യോഗസ്ഥര്‍ക്കും ജനപ്രതിനിധികള്‍ക്കും സര്‍ക്കാര്‍ വക പുരസ്‌കാരം. ഭവന പദ്ധതികള്‍ പാതിവഴിയിലാവാതെ പൂര്‍ത്തീകരിക്കാന്‍ ഉപഭോക്താക്കളെ സഹായിക്കുന്നതിനാണ് സര്‍ക്കാര്‍ പുരസ്‌കാരം പ്രഖ്യപിച്ചത്.
ലൈഫ് മിഷന്‍ നിര്‍വഹണം, മേല്‍നോട്ടം, മോണിറ്ററിങ് തുടങ്ങിയവക്ക് ചുമതലപ്പെട്ട മുഴുവന്‍ ഉദ്യോഗസ്ഥരുടേയും പ്രവര്‍ത്തനം വിലയിരുത്തി സദ്‌സേവനരേഖ പുരസ്‌കാരമാണ് നല്‍കുക. ജില്ലാതലത്തില്‍ ജില്ലാകലക്ടര്‍മാര്‍ക്കും, ബ്ലോക്ക്, പഞ്ചായത്ത് തലങ്ങളില്‍ സെക്രട്ടറിമാര്‍ക്കുമാണ് ലൈഫിന്റെ പ്രധാന ചുമതല.