കൊല്‍ക്കത്ത: ഐ.പി.എല്‍ പടിവാതില്‍ക്കല്‍ നില്‍ക്കേ 20 പന്തില്‍ സെഞ്ച്വറിയടിച്ച് ഇന്ത്യന്‍ ടെസ്റ്റ് വിക്കറ്റ് കീപ്പര്‍ വൃദ്ധിമാന്‍ സാഹയുടെ വിസ്മയ പ്രകടനം. ജെ.സി മുഖര്‍ജി ട്രോഫി പോരാട്ടത്തില്‍ മോഹന്‍ ബഗാന് വേണ്ടി കളത്തിലിറങ്ങിയ സാഹ ബി.എന്‍.ആര്‍ റിക്രിയേഷന്‍ ക്ലബിനെതിരേ 20 പന്തില്‍ 14 സിക്‌സും നാല് ഫോറും സഹിതം അടിച്ചെടുത്തത് 102 റണ്‍സ്. താരം ഓടിയെടുത്തത് വെറും രണ്ട് റണ്‍സ് ! സാഹയുടെ കരുത്തില്‍ വെറും ഏഴോവറില്‍ ടീം വിജയത്തിലെത്തി. താരത്തിന്റെ സ്‌ട്രൈക്ക് റേറ്റ് 510 റണ്‍സ് ! ഐ.പി.എല്ലില്‍ സണ്‍റൈസേഴ്‌സ് ഹൈദരാബാദാണ് സാഹയെ ഇത്തവണ സ്വന്തമാക്കിയത്.