കഠിനംകുളം: ഭവന പദ്ധതിക്ക് ഊന്നല്‍ നല്‍കി പോത്തന്‍കോട് ബ്ലോക്ക് പഞ്ചായത്ത് 2018-19 സാമ്പത്തിക വര്‍ഷത്തെ ബജറ്റ് അവതരിപ്പിച്ചു.
771669000 രൂപ വരവും 779191000 ചെലവും 1452766 മിച്ചവും പ്രതീക്ഷിക്കുന്ന ബജറ്റാണ് വൈസ് പ്രസിഡന്റ് എം. യാസിര്‍ അവതരിപ്പിച്ചത്. ബ്ലോക്ക് പ്രസിഡന്റ് ഷാനിബാ ബീഹം അധ്യക്ഷയായി. ഭവന പദ്ധതികള്‍ക്കായി 152698000 രൂപ നീക്കിവെച്ചു. പി.എം.എ.വൈ ജനറല്‍ ഭവന നിര്‍മാണത്തിനായി 4480000 രൂപയും, ലൈഫ് മിഷന്‍ സമ്പൂര്‍ണ ഭവന പദ്ധതിക്കായി 3773000 രൂപയും, പി.എം.എ.വൈ ഭവന നിര്‍മാണത്തിനായി 4480000 രൂപയും, ലൈഫ് മിഷന്‍ സമ്പൂര്‍ണ ഭവന പദ്ധതി (എസ് .സി.പി) 3965000 രൂപയും, പി.എം.എ.വൈ ജനറല്‍ ഗ്രാമീണ്‍ ഭവന നിര്‍മാണത്തിനായി 48000000 രൂപയും പി.എം.എ.വൈ ഗ്രാമീണ്‍ (എസ് .സി.പി) ഭവന നിര്‍മാണത്തിനായി 88000000 രൂപയും വകയിരുത്തി.
ലൈഫ് പദ്ധതിയില്‍ 72 ലക്ഷം രൂപ വകയിരുത്തി. മാലിന്യ സംസ്‌കരണത്തിനായി മൊബൈല്‍ കൃമിറ്റോറിയം വാങ്ങുന്നതിനായി 33 ലക്ഷവും, നെല്‍ കര്‍ഷകരെ സഹായിക്കുന്നതിനായി 51 ലക്ഷവും , ക്ഷീര മേഖലയില്‍ ഡയറി ഫാമുകള്‍ ആരംഭിക്കുന്നതിനായി 58 ലക്ഷവും, തീറ്റപ്പുല്‍ കൃഷിക്ക് അഞ്ച് ലക്ഷം.
സബ്‌സിഡി ഉള്‍പ്പടെ 83 ലക്ഷവും, മത്സ്യ മേഖലയ്ക്ക് 16 ലക്ഷവും പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സ്‌കൂളുകളുടെ നവീകരണത്തിന് 26 ലക്ഷവും സാംസ്‌കാരിക സംഘടനകളുടെ ഉന്നമനത്തിനായി 57 ലക്ഷവും, ഭിന്ന ശേഷിക്കാരായ കുട്ടികളുടെ ഉന്നമനത്തിനായി മാജിക് പ്ലാനറ്റുമായി ചേര്‍ന്ന് നവോദയം പദ്ധതിയ്ക്കായി 10 ലക്ഷം രൂപയും ബജറ്റില്‍ വകയിരുത്തി.