ദുബൈ: യുഎഇയില്‍ വാഹനങ്ങളില്‍ അനധികൃതമായി ചിത്രങ്ങള്‍ പതിച്ചാല്‍ പിടിവീഴും. ഇത്തരത്തില്‍ സ്റ്റിക്കറുകള്‍ കണ്ടെത്തിയതിനെ തുടര്‍ന്ന് ഒട്ടേറെ പേര്‍ക്ക് പിഴ ലഭിച്ചതായാണ് റിപ്പോര്‍ട്ട്. കാര്‍ സ്റ്റിക്കറുകള്‍ സംബന്ധിച്ച നിയമങ്ങളെക്കുറിച്ച് വാഹനമോടിക്കുന്നവരെ ബോധവത്കരിക്കാന്‍ പൊലിസ് ഇടയ്ക്കിടെ ബോധവല്‍ക്കരണ ക്യാംപെയ്‌നുകള്‍ നടത്തുന്നുണ്ട്. 1995ലെ ഫെഡറല്‍ ട്രാഫിക് നിയമം നമ്പര്‍ 21 പ്രകാരം വാഹനങ്ങളില്‍ അനധികൃതമായി സ്റ്റിക്കറുകള്‍ പതിക്കുന്നത് നിയമവിരുദ്ധമാണെന്നും 500 ദിര്‍ഹം പിഴ നല്‍കേണ്ടിവരുമെന്നും നിയമവിദഗ്ധര്‍ ചൂണ്ടിക്കാട്ടുന്നു.

കാറിലെ എല്ലാ സ്റ്റിക്കറുകള്‍ക്കും പിഴ ചുമത്തും. മാത്രമല്ല പിഴയ്ക്ക് ശേഷവും അത് നീക്കം ചെയ്യാന്‍ ഡ്രൈവറോ വാഹന ഉടമയോ തയാറായില്ലെങ്കില്‍ അടുത്ത ദിവസം വീണ്ടും പിഴ ചുമത്തും. കാറിന്റെ പ്ലേറ്റ് നമ്പറോ ഡ്രൈവറുടെ മുഖമോ മറ്റ് വിശദാംശങ്ങളോ മറയ്ക്കാന്‍ കഴിയുന്നവ ഉള്‍പ്പെടെയുള്ള ട്രാഫിക് പൊലിസിന്റെ പ്രവര്‍ത്തനത്തെ തടസ്സപ്പെടുത്തുന്ന ഫോട്ടോയോ സ്റ്റിക്കറുകളോ കാറിന്റെ ഏത് ഭാഗത്തും പതിക്കാന്‍ പാടില്ല.

അധികൃതരില്‍ നിന്ന് അംഗീകാരം നേടിയതിന് ശേഷം ഉല്‍പന്നങ്ങളും സേവനങ്ങളും വിപണനം ചെയ്യുന്നതിനുള്ള കമ്പനി പരസ്യങ്ങള്‍ മാത്രമാണ് അനുവദിക്കുന്ന സ്റ്റിക്കറുകള്‍. ഈ നിയമം ബാധകമാണ്. പിഴ, ഡ്രൈവിങ് ലൈസന്‍സില്‍ ബ്ലാക്ക് പോയിന്റുകള്‍, കഠിനമായ കുറ്റങ്ങള്‍ക്ക് തടവ് എന്നിവയാണ് ശിക്ഷ. എന്നാല്‍, ഹെവി വാഹനങ്ങള്‍ക്ക്, പിന്‍ഭാഗത്ത് റിഫ്‌ലക്ടീവ് സ്റ്റിക്കറുകള്‍ നിര്‍ബന്ധമാണ്. മാത്രമല്ല ഇവ പ്രദര്‍ശിപ്പിക്കാതിരുന്നാലും 500 ദിര്‍ഹം പിഴ ചുമത്തും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The UAE authorities have cautioned against illegally wrapping vehicles with advertisements or images, emphasizing strict penalties for non-compliance. Ensure your vehicle decor adheres to regulations to avoid fines.