കല്ലൂരാവി: സമസ്ത കേരള സുന്നിബാലവേദി മാര്‍ച്ച് 22 മുതല്‍ മെയ് 10 വരെ ആചരിക്കുന്ന ജലദിനകാംപയിന്റെ ജില്ലാ തല ഉദ്ഘാടനം കാഞ്ഞങ്ങാട് കല്ലൂരാവി ബദ്‌റുല്‍ ഹുദാ മദ്‌റസയില്‍ നടന്നു. കല്ലൂരാവി ടൗണില്‍ സ്ഥാപിച്ച തണ്ണീര്‍പന്തല്‍ നാട്ടുകാര്‍ക്കും യാത്രക്കാര്‍ക്കും വിദ്യാര്‍ഥികള്‍ക്കും കൗതുകമുളവാക്കി. ജില്ലാ ജംഇയ്യത്തുല്‍ മുഅല്ലിമീന്‍ ജന.സെക്രട്ടറി സയ്യിദ് ഹുസൈന്‍ തങ്ങള്‍ ഉദ്ഘാടനം ചെയ്തു.
തുടര്‍ന്ന് നടന്ന ജലദിനസംഗമം ജില്ലാ ചെയര്‍മാന്‍ ജമാല്‍ ദാരിമി ആലംപാടിയുടെ അധ്യക്ഷതയില്‍ ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് ടി.പി അലി ഫൈസി ഉദ്ഘാടനം ചെയ്തു. ജലദിന സന്ദേശ പോസ്റ്റര്‍ പ്രദര്‍ശനം കല്ലൂരാവി ബദ്‌രിയ ജുമാ മസ്ജിദ് ഖത്വീബ് മുഹമ്മദ് സുഹൈല്‍ ഫൈസി പ്രോഗ്രാം കമ്മിറ്റി ട്രഷറര്‍ കെ.എച്ച് അബ്ദുല്‍ കരീമിനു നല്‍കി പ്രകാശനം ചെയ്തു. കല്ലൂരാവി ബദ്രിയ്യ ജമാഅത്ത് പ്രസിഡന്റ് സി.എച്ച് കുഞ്ഞബ്ദുള്ള ഹാജി വിശിഷ്ടാതിഥിയായി. ജില്ലാ കണ്‍വീനര്‍ അബ്ദുല്‍ നാസര്‍ ഫൈസി 'കരുതി വെക്കാം ജീവന്റെ തുള്ളികള്‍ നാളേക്കായി' എന്ന വിഷയത്തില്‍ പ്രമേയപ്രഭാഷണം നിര്‍വഹിച്ചു. എസ്.ബി.വി ജില്ലാ ജനറല്‍ സെക്രട്ടറി ആബിദ് അലി കൊവ്വല്‍ പ്രതിജ്ഞ ചൊല്ലിക്കൊടുത്തു.സയ്യിദ് ഹുസൈന്‍ തങ്ങള്‍ അനുഗ്രഹഭാഷണം നിര്‍വഹിച്ചു. കാഞ്ഞങ്ങാട് റെയ്ഞ്ച് എസ്.ബി.വി ചെയര്‍മാന്‍ അബ്ദുല്‍കരീം ഫൈസി, കണ്‍വീനര്‍ മുനീര്‍ മൗലവി, കുഞ്ഞി മുഹമ്മദ് മൗലവി, മുഹമ്മദ് കുഞ്ഞി മൗലവി, നാസര്‍ യമാനി, മുഹമ്മദ് ബഷീര്‍ ദാരിമി, ഉമര്‍ മൗലവി തൊട്ടി, ശിഹാബുദ്ധീന്‍ മാസ്റ്റര്‍, ഇബ്രാഹിം ഹാജി ബാവനഗര്‍, കെ.ബി കുട്ടി ഹാജി, എ.കെ അബ്ദുല്‍ ഹമീദ്, കുഞ്ഞബ്ദുള്ള, സുലൈമാന്‍ മൗലവി ചിറപ്പുറം, റഫീഖ് ഹനീഫി, സഈദ് അസ്അദി, പി. മുദ്ദസിര്‍, ബി.എം ഹസൈനാര്‍, എ.കെ ഹമീദ്, റസാഖ് സഅദി, സി.കെ അബ്ദുല്‍ റഹ്മാന്‍, കുഞ്ഞാമു ഹാജി മജീദ് ദാരിമി, അബ്ബാസലി കുമ്പള, അന്‍ശാദ് ബല്ലാ കടപ്പുറം, അഷ്ഫാഖ് ചെര്‍ക്കള, ഉബൈദ് പള്ളങ്കോട്, സിയാദ് ചിത്താരി, തൗഫീഖ് റഹ്മാന്‍ പാണത്തൂര്‍, മുഈനുദ്ധീന്‍ മേല്‍പ്പറമ്പ്, ഹിശാം ആലംപാടി, മുസമ്മില്‍ മണിയനോടി എന്നിവര്‍ സംസാരിച്ചു.