ഊട്ടി: തമിഴ്‌നാട്ടില്‍ തുടര്‍ച്ചയായി അവധിയായതിനാലും വിനോദ സഞ്ചാരികളുടെ വരവ് വര്‍ധിക്കാന്‍ സാധ്യതയുള്ളതിനാലും ഊട്ടിക്കും മേട്ടുപാളയത്തിനും ഇടക്ക് ഗതാഗത നിയന്ത്രണം ഏര്‍പ്പെടുത്താന്‍ അധികൃതര്‍ തീരുമാനിച്ചു. മേട്ടു പാളയത്തു നിന്നും ഊട്ടിയിലേക്ക് വരുന്ന വാഹനങ്ങള്‍ കൂന്നൂര്‍ വഴിയും ഊട്ടി, കുന്നൂര്‍ ഭാഗത്തു നിന്ന് മേട്ടുപാളയം ഭാഗത്തേക്ക് പോകുന്ന വാഹനങ്ങള്‍ കോത്തഗിരി വഴിയും തിരിച്ചുവിടുന്നതാണ്. മേട്ടുപാളയത്തു നിന്നും വരുന്ന ചരക്കു ലോറികള്‍ക്ക് രാവിലെ ആറു മുതല്‍ രാത്രി ഒന്‍പത് വരെ കോത്തഗിരി, ബര്‍ളിയാര്‍ വഴി നിയന്ത്രണം ഏര്‍പ്പെടുത്തിയിട്ടുണ്ട്.