കരുനാഗപള്ളി: താലൂക്കാശുപത്രിയില്‍ രോഗികളുടെ മുറിവ് തുന്നുന്നതിനുള്ള നൂലും മറ്റും ഉടന്‍ എത്തിക്കുമെന്നും നിലവില്‍ ആശുപത്രിയിലേക്ക് ഉള്ള ഫണ്ട് തീര്‍ന്നിരുന്നുവെന്നും കണക്കെടുപ്പ് മാസമായതിനെ തുടര്‍ന്നാണ് സ്റ്റിച്ചിങിന് വേണ്ട സാധനങ്ങള്‍ പുറത്തേക്ക് കുറിച്ചു കൊടുക്കന്നതെന്നും താലൂക്കാശുപത്രി സൂപ്രണ്ട് തോമസ്അല്‍ഫോണ്‍സ് 'സുപ്രഭാത'ത്തോട് പറഞ്ഞു.
ഈ മാസംആദ്യം തന്നെ ശാസ്ത്രകിയക്ക് വേണ്ട തുന്നല്‍ സധാനങ്ങളും മറ്റും എത്തി തുടങ്ങും. യാതൊരു പരാതിയും ഇല്ലാതെ ആശുപത്രിയുടെ പ്രവര്‍ത്തനങ്ങള്‍ മുന്നോട്ട് കൊണ്ട് പോകാന്‍ സാധിക്കുമെന്നും അദ്ദേഹം പറഞ്ഞു.
താലൂക്കാശുപത്രിയില്‍ മുറിവുമായി എത്തുന്നവര്‍ക്ക് തുന്നല്‍ സാധനങ്ങള്‍ പുറത്തേക്ക് കുറിച്ച് കൊടുക്കുന്നതിനെ സംബന്ധിച്ച് പരാതി 'സുപ്രഭാതം' കഴിഞ്ഞ ദിവസം റിപ്പോര്‍ട്ട് ചെയ്തിരുന്നു.
കഴിഞ്ഞ ദിവസം പുതിയകാവ് ചിറ്റുമൂലയില്‍ കെട്ടിട നിര്‍മാണ ജോലിയില്‍ ഏര്‍പ്പെട്ട മരുതൂര്‍കുളങ്ങര സ്വദേശി വിഷ്ണുവിന്റെ കാലിലേക്ക് ഷീറ്റ് ഇളകി വീണതിനെ തുടര്‍ന്ന് ഗുരുതരമായി മുറിവേല്‍ക്കുകയും താലൂക്കാശുപത്രിയില്‍ എത്തികുകയും ചെയ്തിരുന്നു.
അത്യാഹിത വിഭാഗത്തില്‍ ഉണ്ടായിരുന്ന ഡ്യൂട്ടി ഡോക്ടര്‍ പരിശോധന നടത്തിയതിന് ശേഷം കാലിലെ ആഴത്തിലുള്ള മുറിവ് തുന്നുന്നതിനുള്ള സ്റ്റിച്ചിങ്ങ് നൂല്‍ ഇവിടെ ഇല്ലെന്നും പുറത്ത് പോയി വാങ്ങി കൊണ്ടുവരണമെന്നും പറഞ്ഞിരുന്നു.
ആശുപത്രിയുടെ അനാസ്തക്കെതിരേ സുപ്രഭാതം റിപ്പോര്‍ട്ടിനെത്തുടര്‍ന്നാണ് നടപടി ഉണ്ടായിരിക്കുന്നത്.