താമരശേരി: താമരശേരി അടിവാരം ഭാഗങ്ങളില്‍ കഞ്ചാവ് വില്‍പ്പനക്കെത്തിയ ഇടുക്കി കരുണാപുരം വാപ്പനാടിയില്‍ ജോസ് ആന്റണി(42)നെ പൊലിസ് അറസ്റ്റ് ചെയ്തു.
പ്ലാസ്റ്റിക് കവറില്‍ പൊതിഞ്ഞ നിലയില്‍ കൈയില്‍ സൂക്ഷിച്ചിരുന്ന 1.200 ഗ്രാം കഞ്ചാവുമായി അമ്പായത്തോട് പുല്ലാഞ്ഞിമേട് ബസ് സ്റ്റോപ്പില്‍ നില്‍ക്കുന്നതിനിടെയാണ് ഇയാള്‍ പൊലിസ് വലയില്‍ അകപ്പെടുന്നത്. കഞ്ചാവ് വില്‍പ്പന നടത്തിയതില്‍ നേരത്തെയും ഇയാള്‍ പൊലിസിന്റെ പിടിയിലകപ്പെട്ടിരുന്നു. താമരശേരി സബ് ഇന്‍സ്‌പെക്ടര്‍ എ സായൂജ് കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് കഞ്ചാവ് പിടിച്ചെടുത്തത്.
ഉദ്യോഗസ്ഥരായ രാജീവ് ബാബു, ഷിബില്‍, വിപിന്‍, രഞ്ജിത്ത് തുടങ്ങിയവര്‍ സംഘത്തിലുണ്ടായിരുന്നു.