മുംബൈ: മഹാരാഷ്ട്ര നവനിര്‍മാണ്‍ സേനയുമായി ഒരുതരത്തിലുള്ള രാഷ്ട്രീയ ബന്ധവും സ്ഥാപിക്കില്ലെന്ന് കോണ്‍ഗ്രസ് നേതാവ് സഞ്ജയ് നിരുപം. മോദി മുക്ത ഭാരതമെന്ന് പ്രഖ്യാപിച്ച് പ്രതിപക്ഷം കൈകോര്‍ക്കുന്നതിനിടയിലാണ് നവനിര്‍മാണ്‍ സേനയുമായി ബന്ധം സ്ഥാപിക്കില്ലെന്ന് അദ്ദേഹം പ്രഖ്യാപിച്ചത്.
സേനയുടെ പ്രവര്‍ത്തനം ശരിയായ രീതിയിലല്ലെന്നും മറ്റ് സംസ്ഥാനക്കാര്‍ക്കെതിരേ അക്രമം തുടരുന്ന സാഹചര്യത്തില്‍ അവരുമായി ബന്ധം സ്ഥാപിക്കുന്നത് ശരിയല്ലെന്നും സഞ്ജയ് പറഞ്ഞു. മാത്രമല്ല എന്‍.സി.പിയുമായി കോണ്‍ഗ്രസ് നേതാക്കള്‍ സഖ്യചര്‍ച്ച തുടരുകയാണ്. ഈ സാഹചര്യത്തില്‍ നവനിര്‍മാണ്‍ സേനയുമായി സഖ്യം തുടരുന്നത് ശരിയല്ലെന്നും അദ്ദേഹം കൂട്ടിച്ചേര്‍ത്തു.