കുവൈത്ത് സിറ്റി: കുവൈത്ത് മുന്‍ മന്ത്രി സയ്യിദ് യൂസുഫ് സയ്യിദ് ഹാഷിം അല്‍ രിഫായി നിര്യാതനായി. കുറച്ചു കാലമായി അസുഖത്തെ തുടര്‍ന്നു കിടപ്പിലായിരുന്നു. മലയാളികളുടെ ഇഷ്ടതോഴന്‍ കൂടിയായിരുന്നു രിഫായി.
പാണക്കാട് മുഹമ്മദലി ശിഹാബ് തങ്ങള്‍, സയ്യിദ് ഉമ്മര്‍ ബാഫഖി തങ്ങള്‍, ഇബ്രാഹിം സുലൈമാന്‍ സേട്ട്, സയ്യിദ് ശിഹാബുദ്ദീന്‍ ഇമ്പിച്ചിക്കോയ തങ്ങള്‍, സയ്യിദ് അബ്ദുറഹ്മാന്‍ അല്‍ ഹൈദറൂസി അസ്ഹരി തങ്ങള്‍, സയ്യിദ് ഹൈദരലി ശിഹാബ് തങ്ങള്‍ തുടങ്ങി കേരളത്തിലെ പ്രമുഖ വ്യക്തിത്വങ്ങളുമായി അദ്ദേഹം അടുത്ത ബന്ധം പുലര്‍ത്തിയിരുന്നു. എട്ടു വര്‍ഷക്കാലം ഔഖാഫ് അടക്കം വിവിധ വകുപ്പുകള്‍ കൈകാര്യം ചെയ്തു.
വേള്‍ഡ് മുസ്‌ലിം മൈനോറിറ്റി കമ്മിഷന്‍ ചെയര്‍മാനായി ദീര്‍ഘകാലം പ്രവര്‍ത്തിച്ചു. കേരളത്തിലെ ഒട്ടേറെ മതഭൗതിക, അനാഥ സ്ഥാപനങ്ങള്‍ അദ്ദേഹം സന്ദര്‍ശിച്ചിരുന്നു.