പയ്യന്നൂര്‍: വിദ്വാന്‍ എ.കെ കൃഷ്ണന്‍ മാസ്റ്ററുടെ സ്മരണയ്ക്കായി ഏര്‍പ്പെടുത്തിയ എ.കെ.പി അവാര്‍ഡ് ശ്രീകുമാരന്‍ തമ്പിക്ക്. 25,000 രൂപയും പ്രശസ്തി പത്രവും അടങ്ങുന്നതാണ് അവാര്‍ഡ്. വിദ്വാന്‍ എ.കെ.കൃഷ്ണന്‍ മാസ്റ്റര്‍ സ്മാരക സമിതിയാണ് അവാര്‍ഡ് ഏര്‍പ്പെടുത്തിയിരിക്കുന്നത്. ഏപ്രില്‍ 18ന് കൃഷ്ണന്‍ മാസ്റ്ററുടെ ചരമദിനത്തില്‍ അദ്ദേഹം താമസിച്ചിരുന്ന കൃഷ്ണ സദനത്തില്‍ വച്ച് സമിതി പ്രസിഡന്റ് പി. അപ്പുക്കുട്ടന്‍ അവാര്‍ഡ് സമ്മാനിക്കും. മലയാളം സര്‍വകലാശാലാ വൈസ് ചാന്‍സലര്‍ ഡോ.അനില്‍ വള്ളത്തോള്‍ പരിപാടി ഉദ്ഘാടനം ചെയ്യും. വാര്‍ത്താസമ്മേളനത്തില്‍ പി. അപ്പുക്കുട്ടന്‍, സദനം നാരായണന്‍, ഡോ.ഇ. ശ്രീധരന്‍, യു. നാരായണന്‍, കെ.പി വിജയകൃഷ്ണന്‍ പങ്കെടുത്തു.