തിരുവനന്തപുരം: ദേശീയ സീനിയര്‍ വനിതാ ഇന്റര്‍ സോണല്‍ ത്രിദിന പോരാട്ടത്തില്‍ മധ്യമേഖലയ്‌ക്കെതിരേ ഉത്തരമേഖലയ്ക്ക് ലീഡ്. ആദ്യം ബാറ്റ് ചെയ്ത മധ്യമേഖല 140 റണ്‍സില്‍ പുറത്തായപ്പോള്‍ ഉത്തരമേഖല ഒന്നാം ഇന്നിങ്‌സില്‍ 183 റണ്‍സെടുത്ത് 43 റണ്‍സിന്റെ ലീഡ് നേടി. രണ്ടാം ഇന്നിങ്‌സ് തുടങ്ങിയ മധ്യമേഖല രണ്ടാം ദിനം കളി നിര്‍ത്തുമ്പോള്‍ ഒരു വിക്കറ്റ് നഷ്ടത്തില്‍ 40 റണ്‍സെന്ന നിലയില്‍. ഇന്ന് ഒരു ദിവസം അവശേഷിക്കേ ഉത്തരമേഖലയുടെ സ്‌കോറിനൊപ്പമെത്താന്‍ അവര്‍ക്ക് മൂന്ന് റണ്‍സ് കൂടി വേണം.