തൊടുപുഴ: കെ.എസ്.യു മുന്‍ ഇടുക്കി ജില്ലാ പ്രസിഡന്റ് നിയാസ് കൂരാപ്പിള്ളി (29) വാഹനാപകടത്തില്‍ മരിച്ചു. ഇന്നലെ വൈകിട്ട് അഞ്ചോടെ തൊടുപുഴ  മൂവാറ്റുപുഴ റോഡില്‍ മടക്കത്താനത്തിനു സമീപമായിരുന്നു അപകടം.

കെ.എസ്.യു  നേതാവ് ഫസല്‍ സുലൈമാനൊപ്പം ബൈക്കില്‍ മടക്കത്താനം ഭാഗത്തേയ്ക്കു പോകുംവഴി പിന്നിലൂടെ എത്തിയ കാര്‍ ഇവര്‍ സഞ്ചരിച്ചിരുന്ന സ്‌ക്കൂട്ടറില്‍ ഇടിക്കുകയായിരുന്നു. സ്‌ക്കൂട്ടറിന്റെ പിന്നിലിരുന്ന നിയാസ് തെറിച്ച് റോഡില്‍ തലയിടിച്ച് വീഴുകയായിരുന്നു. എറണാകുളം മെഡിക്കല്‍ ട്രസ്റ്റ് ആശുപത്രിയില്‍ ഇന്ന് പുലര്‍ച്ചെ മൂന്ന് മണിയോടെയാണ് മരണം. ഖബറടക്കം ഇന്ന് അഞ്ചിന് കാരിക്കോട് നൈനാര്‍ പള്ളിയില്‍.