പയ്യന്നൂര്‍: പിലാത്തറ ദേശീയപാതയില്‍ പീരക്കാംതടത്തെ ബിവറേജ് വിദേശമദ്യവില്‍പനശാലയില്‍ വീണ്ടും മോഷണം. ചുമര്‍ കുത്തിത്തുറന്നാണ് മോഷ്ടാക്കള്‍ കടയ്ക്കുള്ളില്‍ കയറിയത്. 25,000 രൂപയുടെ മദ്യം നഷ്ടമായെന്നാണു പ്രാഥമിക കണക്ക്. ഇന്നലെ രാവിലെ മദ്യവില്‍പനശാല തുറക്കാനെത്തിയപ്പോഴാണു മോഷണം ശ്രദ്ധയില്‍പ്പെട്ടത്. കഴിഞ്ഞമാസവും ബീവറേജസിനു പിന്നിലെ ഗ്രില്‍സ് തകര്‍ത്ത് മദ്യം കവര്‍ന്നിരുന്നു. മാനേജരുടെ പരാതിയില്‍ പരിയാരം പൊലിസ് കേസെടുത്തു.