ചെറുപുഴ: ബസ് സ്റ്റാന്റിന് സമീപം കാറും ജീപ്പും കൂട്ടിയിടിച്ച് ഏഴുപേര്‍ക്ക് പരുക്ക്. ഞായറാഴ്ച രാത്രിയാണ് പുളിങ്ങോം ഭാഗത്തേക്ക് പോവുകയായിരുന്ന ജീപ്പും തിരുമേനി ഭാഗത്തേക്ക് പോവുകയായിരുന്ന കാറും കൂട്ടിയിടിച്ചത്. ജീപ്പ് യാത്രക്കാരായ പാലാവയല്‍ ചാവറഗിരി സ്വദേശികളായ പേണ്ടാനത്ത് അബ്രഹാം(76), അന്നക്കുട്ടി(70) ഇമ്മാനുവേല്‍(51), ഉഷ(49) എന്നിവരെയും കാര്‍ യാത്രികരായ തിരുമേനി ഓരത്താതിയില്‍ ജോസ്(55), ഭാര്യ ജാസ്സി(50), ജിബിന്‍(23) എന്നിവര്‍ക്കുമാണ് പരുക്കേറ്റത്. ഇവരെ പയ്യന്നൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. കാറിന്റെ മുന്‍ഭാഗം പൂര്‍ണമായും തകര്‍ന്നു.