ദോഹ: സ്‌പാനിഷുകാരൻ ലൂയി ഗാർഷ്യയെ ഖത്തർ ദേശീയ ഫുട്ബാൾ ടീമിൻ്റെ പുതിയ പരിശീലകനായി നിയമിച്ചു. ഏഷ്യൻ കപ്പ് ഫുട്ബാൾ കിരീടം നേടിക്കൊടുത്ത മാർക്വേസ് ലോപസിനെ ഒഴിവാക്കിയാണ് സഹപരിശീലകനായിരുന്ന ലൂയി ഗാർഷ്യയെ പുതിയ കോച്ചായി നിയമിച്ചത്.

റയൽ മഡ്രിഡ് യൂത്ത് ടീമിലുടെ ഫുട്ബാൾ കരിയർ ആരംഭിച്ച ഗാർഷ്യ, ദീർഘകാലം എസ്പാന്യോൾ താരവും ശേഷം പരിശീലകനുമായിരുന്നു. രണ്ടു വർഷത്തോളം സ്‌പാനിഷ് ദേശീയ ടീമിനു വേണ്ടിയും കളിച്ചിട്ടുണ്ട്. മാർക്വേസ് ലോപസിൻ്റെ അസിസ്റ്റന്റായി കഴിഞ്ഞ ഏഷ്യൻ കപ്പിന് തൊട്ടു മുമ്പാണ് ​ഗാർഷ്യ ഖത്തർ ദേശീയ ടീമിന്റെ ഭാഗമായത്. ഒരു വർഷത്തിനിപ്പും ടീമിൻ്റെ ഹെഡ് കോച്ച് പദവിയിലേക്കും അദ്ദേഹമെത്തി.

ഡിസംബർ 21ന് കുവൈത്തിൽ ആരംഭിക്കുന്ന ഗൾഫ് കപ്പ് ചാമ്പ്യൻഷിപ്പായിരിക്കും ഗാർഷ്യയുടെ ആദ്യ അന്താരാഷ്ട്ര ദൗത്യം. യു.എ.ഇ, കുവൈത്ത്, ഒമാൻ എന്നിരടങ്ങിയ ഗ്രൂപ്പ് 'എ'യിലാണ് ഖത്തർ മത്സരിക്കുന്നത്. ഇറാഖാണ് നിലവിലെ ജേതാക്കൾ. 2026 ലോകകപ്പ് യോഗ്യതാ റൗണ്ടിൽ കനത്ത തോൽവികൾ ഏറ്റുവാങ്ങിയ ഖത്തറിന് മുന്നോട്ടുള്ള യാത്ര വെല്ലുവിളിയിലാണ്.

Former Liverpool midfielder Luis Garcia has been appointed as the new coach of the Qatar national team, marking a new chapter in the country's football journey.