മുഹമ്മ: മായിത്തറയില്‍ ക്ഷേത്രോല്‍സവത്തിന്റെ ഗാനമേളയ്ക്കിടെ യുവാവിനെ കുത്തിപ്പരിക്കേല്‍പ്പിച്ച കേസില്‍ നാല് പേരെ മാരാരിക്കുളം പോലീസ് അറസ്റ്റ് ചെയ്തു.
ചേര്‍ത്തല തെക്ക് പഞ്ചായത്ത് പന്ത്രണ്ടാം വാര്‍ഡ് മായിത്തറ മറ്റത്തില്‍ വീട്ടില്‍ അനീഷ് (31), തോട്ടുതറ വീട്ടില്‍ കമല്‍രാജ് (പാവക്കുട്ടി26,കൈതപ്പറമ്പില്‍ വീട്ടില്‍ നിഷാന്ത് (25), മാരാരിക്കുളം വടക്ക് പഞ്ചായത്ത് ഏഴാം വാര്‍ഡ് പടിഞ്ഞാറെക്കര വീട്ടില്‍ രമേഷ് (28) എന്നിവരാണ് അറസ്റ്റിലായത്. ആലപ്പുഴ സെഷന്‍സ് കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.
കഞ്ഞിക്കുഴി പഞ്ചായത്ത് പതിനെട്ടാം വാര്‍ഡ് മായിത്തറ കുടിലുങ്കല്‍ വെളിയില്‍ ബാബുവിന്റെ മകന്‍ വിഷ്ണുവിനെ (23) കുത്തിപ്പരിക്കേല്‍പ്പിച്ച കേസിലാണ് നാലുപേരും പിടിയിലായത്. കഴിഞ്ഞ 30ാം തീയതിയാണ് കേസിനാസ്പദമായ സംഭവമുണ്ടായത്. അരീപ്പറമ്പ് ,തിരുവിഴ എന്നിവിടങ്ങളിലുള്ള രണ്ട് സംഘങ്ങള്‍ തമ്മില്‍ നിലനിന്ന കുടിപ്പകയാണ് കത്തിക്കുത്തില്‍ കലാശിച്ചത്.സംഘങ്ങള്‍ തമ്മില്‍ മുമ്പ് രണ്ട് തവണ സംഘര്‍ഷമുണ്ടായിട്ടുണ്ട്.
പരിക്കേറ്റ വിഷ്ണു കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. വധശ്രമത്തിനാണ് പ്രതികള്‍ക്കെതിരെ കേസെടുത്തിരിക്കുന്നത്. മാരാരിക്കുളം സി ഐ വി.എസ് നവാസിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.