മുംബൈ: വനിതാ ക്രിക്കറ്റില്‍ ഏറ്റവും കൂടുതല്‍ ഏകദിന മത്സരങ്ങള്‍ കളിക്കുന്ന താരമെന്ന റെക്കോര്‍ഡ് ഇനി ഇന്ത്യന്‍ ക്യാപ്റ്റന്‍ മിതാലി രാജിന് സ്വന്തം. ഇംഗ്ലണ്ടിനെതിരായ ഒന്നാം ഏകദിനത്തില്‍ കളിക്കനിറങ്ങിയതോടെയാണ് മിതാലി ചരിത്ര നേട്ടത്തിലെത്തിയത്. കരിയറിലെ 192ാം മത്സരത്തിനാണ് താരമിറങ്ങിയത്. ഇതോടെ 191 മത്സരങ്ങള്‍ കളിച്ച മുന്‍ ഇംഗ്ലണ്ട് ക്യാപ്റ്റന്‍ ചര്‍ലോട്ട് എഡ്വേര്‍ഡ്‌സിന്റെ റെക്കോര്‍ഡാണ് മിതാലി മറികടന്നത്. നേരത്തെ ഏകദിനത്തില്‍ ഏറ്റവും കൂടുതല്‍ റണ്‍സെടുത്ത താരമെന്ന റെക്കോര്‍ഡ് മിതാലി സ്വന്തമാക്കിയിരുന്നു.