പേരാവൂര്‍: പാല്‍ച്ചുരം ആശ്രമം വളവില്‍ വാഹന പരിശോധനയ്ക്കിടെ ലഹരി ഗുളികകളും കഞ്ചാവുമായി യുവാവ് പിടിയില്‍. 20 ഗ്രാം നൈട്രസെപാം ഗുളികകളും 60 ഗ്രാം കഞ്ചാവുമായി കാസര്‍കോട് കളനാട് സ്വദേശി സി.എ മുഹമ്മദ് അക്ബര്‍(35) ആണ് പേരാവൂര്‍ എക്‌സൈസ് സംഘത്തിന്റെ പിടിയിലായത്. ഇയാള്‍ ലഹരിപദാര്‍ഥങ്ങള്‍ കടത്താന്‍ ഉപയോഗിച്ച കാറും കസ്റ്റഡിയിലെടുത്തു. കണാടകയില്‍ നിന്നാണ് കഞ്ചാവും ലഹരി ഗുളികകളും വാങ്ങിയതെന്ന് ഇയാള്‍ പറഞ്ഞു. റെയ്ഡില്‍ പ്രവന്റീവ് ഓഫിസര്‍മാരായ എം.പി സജീവന്‍, പി.സി ഷാജി, സിവില്‍ എക്‌സൈസ് ഓഫിസര്‍മാരായ സി.പി ഷാജി, പി.എസ് ശിവദാസന്‍, കെ. ശ്രീജിത്ത്, എക്‌സൈസ് ഡ്രൈവര്‍ ജോര്‍ജ്ജ് ജോസഫ് പങ്കെടുത്തു.