കരുനാഗപ്പള്ളി: ആധുനിക കാലഘട്ടത്തില്‍ ശരിയായ വിധത്തില്‍ കലക്കും സാഹിത്യത്തിനും വേണ്ടത്ര പരിഗണന ലഭിക്കാത്തതിനാല്‍ എല്ലാ കലകളും സമൂഹത്തില്‍ ശ്രദ്ധിക്കപ്പെടാതെ പോകുന്നുവെന്ന് പ്രശസ്ത കാഥികന്‍ പ്രൊഫ. അയിലം ഉണ്ണികൃഷ്ണന്‍ പറഞ്ഞു. കാഥിക തൊടിയൂര്‍ വസന്തകുമാരിയുടെ കഥാപ്രസംഗ സപര്യയുടെ സുവര്‍ണജൂബിലി ആഘോഷം ഉദ്ഘാടനം ചെയ്യുകയായിരുന്നു അദ്ദേഹം.
സംഘാടകസമിതി ചെയര്‍മാന്‍ പി.വി രാജന്‍പിള്ള അധ്യക്ഷനായി. സംഘാടകസമിതി ജനറല്‍ കണ്‍വീനര്‍ കുരീപ്പുഴ ഫ്രാന്‍സിസ്, താലൂക്ക് ലൈബ്രറി കൗണ്‍സില്‍ സെക്രട്ടറി വി. വിജയകുമാര്‍, മണപ്പള്ളി ഉണ്ണികൃഷ്ണന്‍, വി.പി ജയപ്രകാശ് മേനോന്‍, ഫാത്തിമ താജുദ്ദീന്‍, വരവിള ശ്രീനി, ഡി. മുരളീധരന്‍, വാസന്തി രവീന്ദ്രന്‍, ദാസന്‍ ക്ലാപ്പന സംസാരിച്ചു.