റിയാദ്: സിറിയയിലെ കിഴക്കന്‍ മേഖല ലക്ഷ്യമിട്ടു നടത്തിയ രാസായുധ പ്രയോഗത്തെ ഓര്‍ഗനൈസേഷന്‍ ഓഫ് ഇസ്‌ലാമിക് കോ-ഓപറേഷന്‍ അപലപിച്ചു. അന്താരാഷ്ട്ര നിയമങ്ങള്‍ക്കും മാനുഷിക മൂല്യങ്ങള്‍ക്കും തീര്‍ത്തും എതിരായ നടപടിയാണ് നടന്നതെന്നും നിരപരാധികളാണ് പിടഞ്ഞു മരിക്കുന്നതെന്നും സംഭവം കടുത്ത അക്രമവും യുദ്ധക്കുറ്റങ്ങളില്‍ പെടുന്നതാണെന്നും ഒ.ഐ.സി വ്യക്തമാക്കി. 

സിറിയന്‍ പ്രതിസന്ധിക്ക് ജനീവ കരാറിന്റെയും യു.എന്‍ സുരക്ഷാ കൗണ്‍സിലിന്റെയും പ്രമേയങ്ങളെ അടിസ്ഥാനമാക്കി സമാധാനത്തിനുള്ള പരിഹാരം കാണണമെന്ന് ഒ.ഐ.സി സെക്രട്ടറി ജനറല്‍ ഡോ. യൂസുഫ് അഹമ്മദ് അല്‍ ഉസൈമീന്‍ ആവശ്യപ്പെട്ടു.