ഗോള്‍ഡ് കോസ്റ്റ്: കോമണ്‍വെല്‍ത്ത് ഗെയിംസിന്റെ 100 മീറ്ററില്‍ ദക്ഷിണാഫ്രിക്കയുടെ അകനി സിംബിനെ വേഗമേറിയ താരം. ജമൈക്കന്‍ താരം യോഹാന്‍ ബ്ലെയ്കിനെ മൂന്നാം സ്ഥാനത്തേക്ക് പിന്തള്ളിയാണ് സിംബിനെ 10.3 സെക്കന്‍ഡില്‍ ഫിനിഷ് ചെയ്ത് സ്വര്‍ണം സ്വന്തമാക്കിയത്. വെള്ളി നേട്ടം മറ്റൊരു ദക്ഷിണാഫ്രിക്കന്‍ താരം ഹെന്റിചോ ബ്രുയിന്റിസ് നേടി. 10.17 സെക്കന്‍ഡിലാണ് താരം ഫിനിഷ് ചെയ്തത്. ബ്ലെയ്ക് 10.19 സെക്കന്‍ഡിലാണ് വെങ്കലം നേടിയത്. വനിതാ വിഭാഗത്തില്‍ ട്രിനിഡാഡ് ആന്‍ഡ് ടുബാഗോയുടെ മിഷേലെ ലീ അഹ്യെ സ്വര്‍ണവും ജൈമക്കന്‍ താരങ്ങളായ ക്രിസ്റ്റാനിയ വില്ല്യംസ് വെള്ളിയും ഗയോന്‍ ഇവാന്‍സ് വെങ്കലവും നേടി.