കാസര്‍കോട്: 'രോഗമില്ലാത്ത ലോകം' എന്ന ലക്ഷ്യത്തോടെ ഈമാസം എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിക്കുന്ന 'ആശ്വാസം' ആരോഗ്യ ക്യാംപയിന്‍ സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ നീലേശ്വരം മര്‍കസില്‍ ഉദ്ഘാടനം ചെയ്തു.
കാംപയിനിന്റെ ഭാഗമായി ശാഖകളില്‍ രോഗീ സന്ദര്‍ശനം, ക്ലസ്റ്റര്‍ തലത്തില്‍ ലഘുലേഖ വിതരണം, ഡെമോ പ്രദര്‍ശനം, മേഖലാ തലത്തില്‍ പഠന ക്ലാസുകളും ജില്ലാ തലത്തില്‍ ആരോഗ്യ വിദഗ്ദര്‍ പങ്കെടുക്കുന്ന പ്രമേയ ചര്‍ച്ചയും സംഘടിപ്പിക്കും.
ഇ.കെ ഖാസി മഹ്മൂദ് മുസ്‌ലിയാര്‍, എം. മൊയ്തു മൗലവി, ജില്ലാ പ്രസിഡന്റ് താജുദ്ദീന്‍ ദാരിമി പടന്ന, ജില്ലാ ട്രഷറര്‍ ശറഫുദ്ദീന്‍ കണിയ, സയ്യിദ് ശഫീഖ് തങ്ങള്‍, അബ്ദുറഹ്മാന്‍ മാസ്റ്റര്‍, റഷീദ് ഫൈസി ആറങ്ങാടി, മുസ്തഫ ബാഖവി, അഷറഫ് ദാരിമി, അസീസ് മുന്നിയൂര്‍, മുഹ്‌യുദ്ദീന്‍ ഹസനി സംസാരിച്ചു.