തിരുവനന്തപുരം: പെരിന്തല്‍മണ്ണ എം.ഇ.എസ് മെഡിക്കല്‍ കോളജിലെ 2016-17 വര്‍ഷത്തെ എം.എസ്, എം.ഡി കോഴ്‌സുകളുടെ ഫീസ് ഘടന ജസ്റ്റിസ് രാജേന്ദ്രബാബു അധ്യക്ഷനായ ഫീ റെഗുലേറ്ററി കമ്മിറ്റി നിജപ്പെടുത്തി.
കോളജിന്റെ വരവു ചിലവുകള്‍ പരിശോധിച്ച ശേഷമാണ് ഫീ റെഗുലേറ്ററി കമ്മിറ്റി അധ്യക്ഷന്‍ ഇന്നലെ ഫീസ് നിശ്ചയിച്ച് ഉത്തരവിറക്കിയത്.
പി.ജി ക്ലിനിക്കല്‍ കോഴ്‌സിന് 2016-17 അധ്യയന വര്‍ഷം 7,84,250 രൂപയും പി.ജി നോണ്‍ ക്ലിനിക്കല്‍ കോഴ്‌സിനു 3,19,200 രൂപയും ഡിപ്ലോമാ ക്ലിനിക്കല്‍ കോഴ്‌സിനു 6,06,450 രൂപയുമാണ് വാര്‍ഷിക ഫീസ്. ഇതില്‍ കൂടുതല്‍ തുക ഈടാക്കിയിട്ടുണ്ടെങ്കില്‍ അത് അടുത്ത ഫീസില്‍ ഇളവ് ചെയ്തു കൊടുക്കണമെന്നും നിര്‍ദേശമുണ്ട്.