ശ്രീനഗര്‍: ജമ്മുകശ്മീരില്‍ തീവ്രവാദി ആക്രമണത്തില്‍ രണ്ടു പൊലിസുകാര്‍ മരിച്ചു. ഇരുപത്തിനാലു മണിക്കൂറിനിടെ രണ്ടാമത്തെ ആക്രമണമാണിത്.

തീവ്രവാദി സാന്നിധ്യത്തെ തുടര്‍ന്ന് അനന്ത്‌നാഗ് ബസ് സ്റ്റാന്റിനു സമീപം തിരച്ചില്‍ നടത്തുമ്പോഴാണ് വെടിവയ്പ്പുണ്ടായത്. അസിസ്റ്റന്റ് സബ് ഇന്‍പെകടര്‍ ബഷീര്‍ അഹമ്മദും സിവില്‍ പൊലിസ് ഓഫിസര്‍ റിയാസ് അഹമ്മദുമാണ് കൊല്ലപ്പെട്ടത്.

ഇന്നലെ ബിജബെഹറയില്‍ ബിഎസ്എഫ് വാഹനവ്യൂഹത്തിന് നേരെയുണ്ടായ ഭീകരാക്രമണത്തില്‍ മൂന്ന് ബിഎസ്എഫ് സൈനികര്‍ കൊല്ലപ്പെട്ടിരുന്നു.  നാലുപേര്‍ക്ക് ഗുരുതരമായി പരുക്കേറ്റിരുന്നു. വൈകീട്ട് 4.30നായിരുന്നു ആക്രമണം.

ജമ്മുവില്‍ നിന്നു ശ്രീനഗറിലേക്ക് വരികയായിരുന്ന ബിഎസ്എഫ് വാഹനവ്യൂഹത്തെ അനന്ത്‌നാഗ് ജില്ലയിലെ  വച്ച് ഭീകരര്‍ ആക്രമിക്കുകയായിരുന്നു.