കൊച്ചി: കേരള പ്രീമിയര്‍ ലീഗില്‍ മുന്‍ ചാംപ്യന്മാരായ എസ്.ബി.ഐക്ക് വിജയ തുടക്കം. കൊച്ചി അംബേദ്കര്‍ സ്റ്റേഡിയത്തില്‍ നടന്ന ഗ്രൂപ്പ് ബി മത്സരത്തില്‍ സെന്‍ട്രല്‍ എക്‌സൈസിനെ എതിരില്ലാത്ത രണ്ട് ഗോളുകള്‍ക്കാണ് എസ്.ബി.ഐ പരാജയപ്പെടുത്തിയത്. രണ്ടാം പകുതിയിലായിരുന്നു രണ്ട് ഗോളുകളും പിറന്നത്. തിരിച്ചടിക്കാന്‍ സെന്‍ട്രല്‍ എക്‌സൈസ് പരമാവധി ശ്രമം നടത്തി. എന്നാല്‍, കേരളത്തിന് സന്തോഷ് ട്രോഫി സമ്മാനിച്ച വി മിഥുനെ കീഴ്‌പ്പെടുത്തി പന്ത് വലയില്‍ എത്തിക്കാന്‍ എക്‌സൈസ് താരനിരയ്ക്കായില്ല. ഇന്ന് ഫോര്‍ട്ട് കൊച്ചി വെളി ഗ്രൗണ്ടില്‍ നടക്കുന്ന മത്സരത്തില്‍ കൊച്ചിന്‍ പോര്‍ട്ട് ട്രസ്റ്റ് എഫ്.സി തൃശൂരിനെ നേരിടും.