അടിമാലി: സമസ്ത കോഓര്‍ഡിനേഷന്‍ അടിമാലി മേഖല കമ്മിറ്റിയുടെ ആഭിമുഖ്യത്തില്‍ മജ്‌ലിസിന്നൂര്‍ വാര്‍ഷിക മഹാസംഗമവും വാഫി - വഫിയ്യ കോളജ് പ്രഖ്യാപനവും വിവാഹ ധനസഹായ വിതരണവും നടന്നു.
അടിമാലി ടൗണ്‍ ജുമാ മസ്ജിദ് ചീഫ് ഇമാം മുഹമ്മദ് സജീര്‍ ഫൈസി ഉദ്ഘാടനം നിര്‍വഹിച്ചു. സെയ്യിദ് സുല്‍ഫുദ്ദീന്‍ തങ്ങള്‍ അല്‍ ഹൈദ്രൂസി അധ്യക്ഷത വഹിച്ചു. വാഫി വഫിയ്യ കോളജ് പ്രഖ്യാപനം പാണക്കാട് അബ്ദുറഷീദലി ശിഹാബ് തങ്ങള്‍ നിര്‍വഹിച്ചു.
അബ്ദുല്‍ കബീര്‍ റഷാദി ആമുഖ പ്രാര്‍ത്ഥന നിര്‍വഹിച്ചു. മേഖല അമീര്‍ അഷ്‌റഫ് ഫൈസി മജ്‌ലിസുന്നൂറിന് നേതൃത്വം നല്‍കി. ഖാലിദ് ബാഖവി പാനിപ്ര മജിലിസുന്നൂര്‍ പ്രാര്‍ത്ഥന നടത്തി. നിയാദ് ഫൈസി, മുഹമ്മദ് റാഫി എറണാകുളം, മുസ്തഫ എം.എം. പെരുമ്പാവൂര്‍, ഹസന്‍ ഫൈസി, മുസ്ലീം ലീഗ് സംസ്ഥാന സെക്രട്ടറി ടി.എം. സലീം, സ്വാലിഹ് അന്‍വരി ചേകന്നൂര്‍, ഹാഷിം ബാഖവി, അബ്ദുല്‍ കരീം മൗലവി, അബ്ദുറഹ്മാന്‍ സഅ്ദി തുടങ്ങിയവര്‍ സംബന്ധിച്ചു.