മലപ്പുറം: സമസ്ത ആദര്‍ശ ക്യാംപയിനോടനുബന്ധിച്ച് മധ്യമേഖലാ പ്രവര്‍ത്തക സംഗമം നാളെ പട്ടിക്കാട് ജാമിഅ നൂരിയ്യയില്‍ നടക്കുമെന്നു സ്വാഗതസംഘം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
രാവിലെ പത്ത് മുതല്‍ വൈകിട്ട് അഞ്ചു വരെ നടക്കുന്ന ക്യാംപ് രാവിലെ 8.45ന് എസ്.വൈ.എസ് സംസ്ഥാന ജനറല്‍സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി പതാക ഉയര്‍ത്തും.
പത്ത് മണിക്ക് സമസ്ത കേരള ഇംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുകോയ തങ്ങള്‍ ഉദ്ഘാടനം ചെയ്യും. സ്വാഗതസംഘം ചെയര്‍മാന്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ അധ്യക്ഷനാകും.
സമസ്ത കേരളാ ജംഇയ്യത്തുല്‍ ഉലമാ ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, ട്രഷറര്‍ സി.കെ.എം സ്വാദിഖ് മുസ്‌ലിയാര്‍, എസ്.കെ.എം തങ്ങള്‍ തൃശൂര്‍ പ്രഭാഷണം നടത്തും. തുടര്‍ന്ന് നേര്‍മാര്‍ഗത്തിന്റെ സത്യസാക്ഷ്യം, വ്യതിയാനത്തിന്റെ അനന്തര ഫലങ്ങള്‍, സമസ്ത ശതാബ്ദിയിലേക്ക് വിഷയങ്ങള്‍ സമസ്ത സെക്രട്ടറിമാരായ കൊയ്യോട് ഉമര്‍ മുസ്‌ലിയാര്‍,എം.ടി അബ്ദുല്ല മുസ്‌ലിയാര്‍, മുശാവറ അംഗം ഡോ. ബഹാഉദ്ദീന്‍ മുഹമ്മദ് നദ്‌വി അവതരിപ്പിക്കും.
എം.പി മുസ്തഫല്‍ ഫൈസി, അബ്ദുല്‍ ഹമീദ് ഫൈസി അമ്പലക്കടവ്, സ്വലാഹുദ്ദീന്‍ ഫൈസി വല്ലപ്പുഴ, പുത്തനഴി മൊയ്തീന്‍ ഫൈസി, അബ്ദുസമദ് പൂക്കോട്ടൂര്‍, സലീം എടക്കര വിവിധ സെഷനുകളില്‍ സംസാരിക്കും. സമസ്ത മുശാവറ അംഗം പി. കുഞ്ഞാണി മുസ്‌ലിയാര്‍ സമാപന പ്രഭാഷണം നടത്തും.
വാര്‍ത്താസമ്മേളനത്തില്‍സ്വാഗത സംഘം വര്‍ക്കിങ് ചെയര്‍മാന്‍ പുത്തനഴി മൊയ്തീന്‍ ഫൈസി, വൈസ് ചെയര്‍മാന്‍ കെ.കെ.എസ് തങ്ങള്‍ വെട്ടിച്ചിറ, ജനറല്‍ കണ്‍വീനര്‍ അബ്ദുസമദ് പൂക്കോട്ടൂര്‍, കണ്‍വീനര്‍ സലീം എടക്കര,പി.കെ ലത്വീഫ് ഫൈസി പങ്കെടുത്തു.