കല്‍പ്പറ്റ: കേരളീയ മുസ്‌ലിം സമൂഹത്തിന്റെ വിദ്യാഭ്യാസ, സാമൂഹിക മുന്നേറ്റങ്ങള്‍ക്ക് വ്യക്തവും സുതാര്യവുമായ പാതയൊരിക്കിയത് സമസ്ത കേരള ജംഇയ്യത്തുല്‍ ഉലമയാണെന്ന് കേരള വഖഫ് ബോര്‍ഡംഗം എം.സി മായിന്‍ ഹാജി പറഞ്ഞു.
ജില്ലാ സമ്മേളനത്തിന്റെ സമ്പൂര്‍ണ സ്വാഗത സംഘം യോഗത്തില്‍ സംസാരിക്കുകയായിരുന്നു അദ്ദേഹം. ഇന്ത്യയിലെ പലയിടങ്ങളിലും വഖഫ് സ്വത്തുക്കള്‍ അന്യാധീനപ്പെട്ടു പോകുമ്പോള്‍ ശരീഅത്തില്‍ അധിഷ്ടിതമായി പൊതുസ്വത്ത് കൈകാര്യം ചെയ്യുന്നതിലും മറ്റും കേരളീയ മുസ്‌ലിം സമൂഹത്തിന് ദിശ കാണിച്ചത് സമസ്തയാണെന്നും അദ്ദേഹം കൂട്ടിച്ചേര്‍ത്തു. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ യോഗം ഉദ്ഘാടനം ചെയ്തു. സ്വാഗത സംഘം ചെയര്‍മാന്‍ എസ് മുഹമ്മദ് ദാരിമി അധ്യക്ഷനായി.
കേന്ദ്ര മുശാവറാംഗം വി മൂസക്കോയ മുസ്‌ലിയാര്‍, പോള ഇബ്രാഹീം മുസ്‌ലിയാര്‍, പിണങ്ങോട് അബൂബക്കര്‍, എം.എം ബഷീര്‍, പി.സി ഇബ്രാഹീം ഹാജി, കെ.കെ.എം ഹനീഫല്‍ ഫൈസി, കാഞ്ഞായി മമ്മുട്ടി മുസ്‌ലിയാര്‍, എം. ഹസന്‍ മുസ്‌ലിയാര്‍, മൊയ്തീന്‍കുട്ടി യമാനി, എം.എ ഇസ്മയില്‍ ദാരിമി, മജീദ് ദാരിമി, കെ.എ നാസര്‍ മൗലവി, ഖാസിം ദാരിമി, എ.കെ സുലൈമാന്‍ മൗലവി, പനന്തറ മുഹമ്മദ്, മുജീബ് ഫൈസി കമ്പളക്കാട്, അയ്യൂബ് മാസ്റ്റര്‍, വി.കെ അബ്ദുറഹ്മാന്‍ ദാരിമി സംസാരിച്ചു. കണ്‍വീനര്‍ അഷ്‌റഫ് ഫൈസി പനമരം സ്വാഗതവും ജാഫര്‍ ഹൈതമി നന്ദിയും പറഞ്ഞു.