കാസര്‍കോട്:  വിവാഹവാഗ്ദാനം നല്‍കി യുവതിയെ പീഡിപ്പിച്ച് ഗര്‍ഭിണിയാക്കിയ കേസിലെ പ്രതിയെ മൂന്ന് വര്‍ഷത്തിന് ശേഷം കര്‍ണാടകയില്‍ പിടിയില്‍. വേഷം മാറി ഒളിവില്‍ കഴിയുകയായിരുന്ന  ബദിയഡുക്ക ചെമ്പല്‍ത്തിമാര്‍, വിദ്യാഗിരി സ്വദേശി സി.എച്ച്. സുരേഷി(30)നെയാണ് വിദ്യാനഗര്‍ സി.ഐ. കെ.വി.പ്രമോദന്റെ നേതൃത്വത്തില്‍ അറസ്റ്റു ചെയ്തത്.
2013 ഫെബ്രുവരി മാസത്തില്‍ പെഡ്രെ സ്വദേശിനിയായ ഒരു യുവതിയെ വിവാഹ വാഗ്ദാനം നല്‍കി പീഡിപ്പിച്ച് ഗര്‍ഭിണിയാക്കിയെന്നാണ് കേസ്.  
യുവതി പരാതികൊടുത്തതോടെ സുരേഷ് ഒളിവില്‍ പോവുകയായിരുന്നു. ഇയാളെ കണ്ടെത്താന്‍ വിവിധ സ്ഥലങ്ങളില്‍ അന്വേഷണം നടത്തിയെങ്കിലും കണ്ടെത്താന്‍ കഴിഞ്ഞില്ല. ഇതിനിടയില്‍ യുവതി ഒരു കുഞ്ഞിനു ജന്മം നല്‍കുകയും ചെയ്തു.
മൂന്നുവര്‍ഷക്കാലമായി കര്‍ണാടകയിലെ വിവിധ സ്ഥലങ്ങളില്‍ ഒളിവില്‍ കഴിയുകയായിരുന്ന പ്രതിയെ ആലട്ടി നീന്തിക്കലില്‍ വച്ച് കഴിഞ്ഞ ദിവസം പിടികൂടി. മറ്റൊരു യുവതിയെ വിവാഹം കഴിച്ച് താമസിക്കുകയായിരുന്നു അവിടെ.  പ്രതി യെ കാസര്‍കോട് കോടതിയില്‍ ഹാജരാക്കി റിമാന്റുചെയ്തു.