യുഎഇയില്‍ ഒക്ടോബറിലെ ഇന്ധനവില പ്രഖ്യാപിച്ചതിന് പിന്നാലെ അജ്മാനില്‍ പുതിയ ടാക്‌സി നിരക്കുകള്‍ പ്രഖ്യാപിച്ചു. കഴിഞ്ഞമാസത്തെ അപേക്ഷിച്ച് ടാക്‌സി നിരക്ക് കുറച്ചതായി അജ്മാന്‍ ട്രാന്‍സ്‌പോര്‍ട്ട് അതോറിറ്റി അറിയിച്ചു. കിലോമീറ്ററിന് 1.75 ദിര്‍ഹം ആണ് പുതുക്കിയ നിരക്ക്.

സെപ്റ്റംബര്‍ മാസത്തില്‍ ഒരു കിലോമീറ്ററിന് 1.80 ദിര്‍ഹമായിരുന്നു നിരക്ക്. തുടര്‍ച്ചയായ രണ്ടാം മാസമാണ് അജാനില്‍ ടാക്‌സി നിരക്ക് കുറയുന്നത്. ഓഗസ്റ്റ് മാസത്തെ 1.83 ദിര്‍ഹമെന്ന നിരക്കില്‍ നിന്നും മൂന്ന് ഫില്‍സ് സെപ്തംബറില്‍ കുറഞ്ഞിരുന്നു.

New taxi fare announced for October in Ajman