കൊച്ചി: വരാപ്പുഴ കസ്റ്റഡി മരണത്തില്‍ മൂന്നു പൊലിസുകാരെ കസ്റ്റഡിയിലെടുത്തു. പ്രത്യക അന്വേഷണ സംഘമാണ് കസ്റ്റഡിയിലെടുത്തത്. ആര്‍.ടി.എഫ് അംഗങ്ങളായ സന്തോഷ്, ജിതിന്‍ സുമേഷ് എന്നിവരാണ് കസ്റ്റഡിയില്‍. ഇവരെ അന്വേഷണ സംഘം ചോദ്യം ചെയ്തുവരുന്നു. സംഭവത്തില്‍ ഉന്നതതല ഗൂഡാലോചന ഉള്ളതായ ആരോപണം ശക്തമാണ്. കസ്റ്റഡിയിലായ പൊലിസുകാര്‍ ശ്രീജിത്തിനെ പിടികൂടി സീനിയര്‍ ഓഫിസര്‍മാര്‍ക്ക് മുന്നില്‍ ഹാജരാക്കുകയാണ് ഉണ്ടായത്. കസ്റ്റഡിമരണത്തില്‍ ഇവര്‍ക്ക് നേരിട്ട് ബന്ധമില്ലെന്നാണ് വിവരം. ഉന്നതര്‍ ഉള്‍പ്പെട്ട കേസായതിനാല്‍ അന്വേഷണം സി.ബി.ഐയ്ക്ക് വിടണമെന്ന ആവശ്യവും ഉയര്‍ന്നിട്ടുണ്ട്.